कृष्णाजी गणेश फुलंब्रीकर
कृष्णाजी गणेश फुलंब्रीकर (जन्म १८९८ - मृत्यु १९७४) म्हणजेच संगीतकलानिधि मास्टर कृष्णराव फुलंब्रीकर उर्फ मास्तर कृष्णराव हे हिंदुस्थानी शास्त्रीय संगीत विश्वाला लाभलेले एक वरदान ! गळ्यात विलक्षण फिरत असलेली घराणेदार शास्त्रीय संगीत गायकी, अनेक अनवट राग व जोड रागांचे निर्माणकर्ते, बंदिशींचे रचनाकार, मराठी संगीत रंगभूमीवरील सर्जनशील संगीतकार-गायक नट, मराठी चित्रपट संगीत विश्वातील अनेक नवीन प्रयोगांचे आद्य प्रवर्तक, देशकार्यात संगीताच्या माध्यमातून महत्त्वपूर्ण योगदान देणारे निष्ठावान देशभक्त.. अश्या अनेक पैलूंनी समृद्ध असलेले सिद्धहस्त मास्तर कृष्णरावांचे कार्य आजही अभ्यासू गायक, कलाकार आणि गुणीजनांना मार्गदर्शक ठरणारे व आत्मिक आनंद देणारे आहे. येणाऱ्या अनेक पिढ्यांनाही ते असेच दिशादर्शक ठरावे याकरिता त्यांच्या संगीतकार्याचा सर्वसमावेशक आढावा घेऊन त्याची एकत्रित नोंद राहावी हा या वेबसाईटचा उद्देश आहे.
व्हिडिओ गॅलरी
Master Krishnarao: A Khayal Singer मास्तर कृष्णराव : एक ख्यालिये गवई
संगीतकलानिधी मा. कृष्णराव - अशोक दा. रानडे सहभाग : पं. रामभाऊ मराठे , जोत्स्ना भोळे , मो.ग.रांगणेकर
विशेष घडामोडी
- मास्टर कृष्णराव यांच्या शतकोत्तर रौप्य जयंतीपूर्तीच्या आणि सध्या सुरू असलेल्या सुवर्णस्मृती (५०वी पुण्यतिथी) वर्षाच्या औचित्याने मास्टर कृष्णराव यांच्या सांगीतिक प्रवासास मानवंदना म्हणून महाराष्ट्र शासनाच्या सांस्कृतिक कार्य संचालनायातर्फे गुरुवार १४ मार्च २०२४ रोजी भरत नाट्य संशोधन मंदिर येथे विशेष संगीत मैफल आयोजित. अधिक माहितीसाठी ...
- मास्तर कृष्णरावांच्या समग्र सांगीतिक कार्याचा आढावा घेणाऱ्या या वेबसाईटचे उद्घाटन विदुषी सौ. निर्मलाताई गोगटे यांचे शुभहस्ते २५ डिसेंबर २०२१ रोजी पुण्यात भरत नाट्य मंदिर येथे झाले.
- २०२२-२३ या मास्तर कृष्णरावांच्या १२५ व्या जयंती वर्षानिमित्त मास्तरांवरील माहितीपूर्ण दिनदर्शिकेचे उद्घाटनही २५ डिसेंबर २०२१ रोजी पुण्यात पंडित वसंतराव गाडगीळ यांचे शुभहस्ते भरत नाट्य मंदिर येथे करण्यात आले. सदर दिनदर्शिका (कॅलेंडर) विक्रीसाठी उपलब्ध. अधिक माहितीसाठी ...
- संगीत संवाद रेडिओ द्वारा प्रस्तुत - संगीतकलानिधि मास्टर कृष्णराव फुलंब्रीकर शतकोत्तर रौप्य जयंतीनिमित्त 'अगा वैकुंठीच्या राया' - मास्टर कृष्णरावांच्या सांगितिक कारकिर्दीचा आढावा - सादरकर्त्या : प्रिया फुलंब्रीकर अधिक माहितीसाठी ...